Victoria Pose

1.-Osdacunetaracing: ¿Como comezou a túa paixón polo mundo da competición?
-Victoria Pose: Pois todo comezou de pequena, cando ía ver correr a meu pai no galego de Autocross, ainda que en xeral sempre me gustou o mundo do motor. Este ano despois de moito insistir na casa decidín mercar un coche e iniciarme no mundo da competición.


2.-Osdacunetaracing: Fálanos un pouco do teu debut.
-Victoria Pose: Debutei en Burgos no campeonato de Castilla y León xa que no galego, como todos sabemos, a situación non está moi ben. As sensacións foron boas, moitos nervios antes da saída e sobre todo nas primeiras voltas xa que era a terceira vez que conducía un coche de carreiras e a primeira vez que salía no medio dos outros coches. O peor de todo foi que nas mangas clasificatorias desfixéronme toda a parte traseira do meu coche cando un dos outros pilotos perdeu o control do seu Citroën Saxo e impactou contra o costado esquerdo e parte da defensa traseira do meu que estaba parado na pista xa que unhas voltas atrás tivera un roce con outro coche, e por problemas coa bateria non puiden encendelo. Endereiteino como puiden e saín na final.

3.-Osdacunetaracing: ¿Que nos poderías contar do teu coche?
-Victoria Pose: O meu coche é un Peugeot 106 8v. Ten suspensión PTS e de caixa leva unha Be4 cun grupo corto e autoblocante. En canto ao motor esta completamente de serie, espero poder facer algunha evolución cara a tempada que ven.


4.-Osdacunetaracing: ¿Quen e teu modelo a seguir?        
-Victoria Pose: Sen dúbida meu pai. É o que máis pelea conmigo, trata de ensinarme todo o que sabe e procura corrixirme en todo o que fago mal. Leva moitos anos fora da competición, pero esto é coma andar en bicicleta, nunca se olvida.

5.-Osdacunetaracing: Agora mesmo compites en Autocross, ¿gustaríache probar noutra categoria do Autocross?
-Victoria Pose: Por agora estou ben na division 2-A pero encantaríame poder probar un SCC ou un 4x4, son conduccións diferentes nas que cada coche é un mundo, onde podes poñer o coche ao teu gusto e de forma libre xa que ti podes “diseñar” o coche á tua maneira. Facer un coche de este tipo non é fácil, pero máis difícil é que sexa competitivo. Sería todo un reto para min.


6.-Osdacunetaracing: E fora do Autocross, ¿en que modalidade che gustaría probar?
-Victoria Pose: Como boa aficionada ao mundo do motor gustaríame poder algún día poder dar o salto aos rallys de asfalto, ainda que me gusta moito máis a terra pero en Galicia non temos esa modalidade, e facer o nacional sería un presuposto demasiado alto para min.

7.-Osdacunetaracing: Obxetivos que te plantexas cara o futuro.
-Victoria Pose: O obxetivo máis inmediato é ir mellorando a miña forma de conducir pero eso faise dando moitas voltas e facendo moitas carreiras, asi que o tempo é fundamental.


8.-Osdacunetaracing: ¿A quen lle tes que dar as grazas?
-Victoria Pose: Pois a toda a xente que me animou a dar o paso e que está carreira tras carreira apoiandome e sobre todo axudando no que poden. Pero sobre todo a meu pai e ao mecánico que me acompaña a todas as carreiras.

-Osdacunetaracing: Moitas grazas polas respostas.